لما تفكر تقوى مناعة ابنك ما تفكرش تديله إيه يزود مناعته؟!
فكَّر الأول: امنع عنه إيه بيدمّر مناعته؟ 😔
يفيد بإيه لو أعطيت ابنك حاجات تقوى المناعة وهو أصلًا مناعته بتدمّر يوم بعد يوم!
الجهاز المناعى بيتكون من خلايا وأعضاء
عندنا مناعة ذاتية بتتنقل من الأم للجنين أثناء الحمل ومناعة مكتسبة ودى بتيجى من تكرار الإصابة بالأمراض، فالجسم بيطور نفسه بنفسه إنه يهاجم البكتريا الغريبة، ويطور أسلحته، ويسجل فى ذاكرته شكل المرض ونوعه ولو دخل المرض الجسم مرة أخرى بيهاجمه بشراسة ويتغلب عليه 💪
لكن لو ابنك بيتكرر إصابته بنفس المرض ونفس نوع البكتريا كل شوية، يبقى هنا لااااااازم وقفه مع نفسك وتفكر
إيه اللى بيمنع تطور المناعة؟ إيه اللى بيدمر مناعة ابنى؟
مجموعة من المدمرات إنت اللى بتديها لابنك يوميًا 😔
١-السكر. أكبر مدمر لمناعة الطفلالسكر هو غذاء البكتريا وهو أكبر سبب لتكرر الالتهاب عند الأطفال وبالتالى إضعاف #المناعة!
المقصود بالسكر هنا السكر الأبيض والبنى وكثرة المربى والعسل والمعجنات والدقيق الأبيض والعصيرات والزبادى اللى بالنكهات وحتى العصيرات الطبيعية لما نحليها بسكر كتير!
٢- المواد الحافظة والألوان الصناعية:
ودى موجوده فى كل الشيبسيات وأكياس الحلويات وأطعمه كتيييير حوالينا
وده بيدمر المناعة الذاتية اللى الطفل اكتسبها وهو فى رحم أمه!
وكمان بتزيد من الالتهاب فى الخلايا وبالتالى الطفل بيكون عرضه لتحول خلاياه لخلايا سرطانية
كمان كثرة الالتهاب بتشغل الجهاز المناعى عن مهاجمة الامراض وبتنهك قوى الجهاز المناعي.
٣–. استخدام المضادات الحيوية بدون داع!
الطفل أول ما يسخن نديله المضاد 😡
أعط الجهاز المناعى عند ابنك فرصة يتعرف على الجرثومه ويبدأ يطور من نفسه ويحارب الجراثيم بدون تدخل خارجى.
مالهاش لازمة الحنية الزايدة من الأمهات وتكرار المضاد الحيوى مع كل مرض..استنى على ابنك شويه انتِ كده بتدمرى مناعته!
كمان وبيلخبط سن البلوغ عند الاطفال :
٤— الضغط النفسي
المقصود بالضغط النفسى هنا مش بس عدم الاستقرار الأسرى وكثرة العقاب!
بل كمان تحميل الطفل واجبات أكثر من قدرته ووضع الطفل فى دائرة المهام الزائدة والالتزام الصارم وبالتالى الطفل بينهار نفسيًا وبدنيًا ومناعته بتنهار مع الضغط النفسي!
أعطوا أبنائكم متعة التأمل والهدوء النفسى
والنوم ٨ ساعات متواصله ليلا
والغذاء الصحى لأن ده من الحاجات اللى بتزود المناعة
أطفالنا مستقبلنا واستثمارنا لبكره 😍
